Informacion practica
Sus Puigcerdà
Eth Congrès se debanarà en Puigcerdà, ena comarca dera Cerdanha, Catalonha.
Puigcerdà ei plaçat ena arribèra der arriu Segre e a ua nautor de 1.200 mètres. Tèrmie damb er Estat francés e ei un centre de cooperacion transfronterèra enes Pirenèus.
I a diuèrses opcions tant entà arribar-i coma entà hèr-i sejorn, tau coma s’especifique mès tà deuant. Entà mès informacion toristica, consulta eth web www.puigcerdaturisme.cat.
Sedences
Era sedença principau deth Congrès serà eth Casino Teatre Ceretà. Bastit eth 1893 entara associacion Casino Ceretà, actuaument ei eth principau teatre de Puigcerdà. Es sessions parallèles se debanaràn en quate sedences diferentes, e tà totes s’i poderà arribar a pè a compdar dera sedença centrau.
Mapa
Com arribar en Puigcerdà
Se pòt arribar en Puigcerdà a compdar des aeropòrts següenti:
- Eth mès practic ei eth de Barcelona, a compdar d’a on i a connexions tà Puigcerdà en tren e autocar.
- Tanben se pòt arribar en Puigcerdà a compdar der aeropòrt de Tolosa de Lenguadòc, en França.
- Se non se pòt accedir a cap d’aguestes dues opcions, er aeropòrt de Madrid aufrís melhores connexions internacionaus. De tota manèra, eth trajècte de Madrid tà Puigcerdà ei d’ues 7 ores, alavetz pòt èster que non sigue era melhora opcion.
A compdar de toti aguesti aeropòrts se pòt arribar en Puigcerdà en tren o en autocar, tau coma s’explique seguidament.
Tant en Estat espanhòu coma en francés i a servicis ferroviaris regionaus fòrça economics entà viatjar enquia Puigcerdà:
- A compdar de Barcelona, Rodalies de Catalonha aufrís un servici de trens regionaus (R3) tà Puigcerdà damb ues 6 gessudes diàries. Consulta es oraris ací. Se pòt gésser de quinsevolha des gares següentes: Sants, Catalunya e Arc de Triomf. Eth viatge dure ues tres ores. Es bilhets se pòden crompar enes gares. Se vòles tà Barcelona, bremba-te’n que pòdes arribar ara gara de Sants en tren dirèctament a compdar dera terminau T2 der aeropòrt.
- A compdar de Tolosa de Lenguadòc pòdes préner eth tren regionau dera SNCF en Puigcerdà (eth viatge dure ues 3 ores e 20 menutes), damb transbordament ena Tor de Querol, a on cau préner eth tren dera linha R3.
- A compdar der aeropòrt de Madrid, pòdes préner es trens dera Renfe enquia Barcelona e dempús contunhar entà Puigcerdà.
- A compdar de Barcelona, es autocars gessen dera Gara deth Nòrd (carrèr Nàpols, 68). Cau reservar plaça damb era companhia Alsa (linha BcnB-Ll en direccion entà Llívia) e baishar deuant dera gara de tren de Puigcerdà (plaça de l’Estació).
- A compdar de Perpinhan, en França, pòdes préner era linha liO Occitanie 66 560 (en direccion entara Tor de Querol – Foyer). Eth viatge a compdar de Perpinhan dure ues dues ores e cau baishar en municipi de Bourg-Madame (estacion La Porte). D’aquiu se pòt caminar enquiath centre de Puigcerdà (son apuprètz 20 menutes).
Opcions de lotjament
Ena comarca dera Cerdanha i a ua ampla aufèrta d’otèls, mès cau tier en compde qu’en Puigcerdà aguesta aufèrta ei fòrça limitada. Pòdes trobar lotjament a trauès d’aguesti dus webs generaus. Se resèrves lotjament ena Cerdanha, mès non dirèctament en Puigcerdà, pòdes préner es autobusi Alsa entà arribar ath Congrès. Es bilhets se venen en autobús. Pòdes consultar es oraris ací.
www.hotelscerdanya.com
ací era Associacion d’Otèls e Campings dera Cerdanha aufrís un 10% de descompde en tot emplegar era referéncia EUROMONTANA
www.puigcerdaturisme.cat
en aguesta plataforma municipau tanben se pòden trobar otèls, aubèrges e apartaments en Puigcerdà
Entà quinasevolha informacion, contactatz damb euromontana2024@manners.es